 |
|
- محافظ ذي قار : تجهيز بلدية الناصرية بـ 12 الية تخصصية
- فات الأوان...... صباح عطوان الزيدي
- شرطة البصرة تلقي القبض على مطلوبين وتضبط أسلحة ضمن خطة الأمن المناطقي في المحافظة
- من النجف الأشرف إلى البحرين… رحلات مباشرة كل أحد وخميس على متن الناقل الوطني
- جامعة الكنوز بالبصرة توقع مذكرة تفاهم مع جامعة اسطنبول جيليشيم لتبادل الخبرات الأكاديمية والعلمية والثقافية
- الداخلية تفتح تحقيقا في حادث وفاة أمام وخطيب جامع كريم الناصر في منطقة الدورة جنوبي بغداد
- اتحاد الكرة يعلن "الكرة الرسمية" لدوري نجوم العراق 2025-2026
- النفق المغمور في ميناء الفاو الكبير يدخل مرحلة حاسمة.. وتعويم القطعة السابعة تزامنا مع تجليس السادسة لاختصار الزمن
- شرطة ميسان: القبض على متهمين بالجرم المشهود في محاولة سرقة الكابلات الكهربائية لكورنيش شارع دجلة
- ادباء وكتاب ذي قار يحتفون بمنجز الشاعر عارف الساعدي قصائد الحاسوب"
|
12
سبتمتبر
2025
|
فات الأوان...... صباح عطوان الزيدي
نشر منذ 3 ساعة - عدد المشاهدات : 9
|
مايرد الفات شدو الكـروان
ولا نشيج اليندم بآخر وكت
لو يعـّز الحزن.والدمع هان
فإنسى كل حچي السمعته؟!
وأطوي كل دهر العرفته؟!
حادثات الدنيا أرشيف
تغيرت بيه الأوان
لاتعذب الروح الندم ياذيها؟!
وأعرف أولها إبتدى بـتاليها
أمس وياك عرفتنا بكل ثقلنا
وحملك اليوم أيتخفـف
من بعد ماعـنك رحلـنا
عيش وإتهنى بسعادة وكل أمان..؟!
وكفكف دموعك حبيبي..؟!
توجع دموعك رفات عظامنا
إتفـزز المكان..!
إخذ عبرة وإعجن بولدك رجال؟!
بلا دلع ..وبلاخضـوع ..ولا دلال
وإعكس الرديّت للـربـّو حنان..؟!
لاتـعذب الـروح ماإلـها ذنب..؟!
وگلبك أعرف عمره ماذاق الهوان
وإقرا شنهو بخاطرك مننا إنكتب؟!
حتى ماإتضم لكبرتك أفـعـوان
هذا صوت عـظامي..
وعظامي عليك إلها عتب؟!
نـغلط إحنا..وتغـلط إنت
والزمن غلطان..!
ويمكن إحنا إمقصريّن
وتدري حرص الوالدة إعليكم
مثل ما يحرص الأب
وإنتوا چنتـوا إزغاروإحنانخاف
من سوء الأدب
والندم لو عق طبعكم
لاإتـورثـوه لولدكم؟!
حتى لابيكم يمر مامر علينا
وحتى لا يدور الزمان
خذوا عبرة بعد مافات الأوان..؟!
صور مرفقة
أخبار متعلقة
مشاركة الخبر
التعليق بالفيس بوك
التعليقات