الخميس 3 يوليو 2025 ميلادى - 7 محرم 1447 هجرى
 |
|
|
9
يناير
2025
|
خلص .. صباح عطوان الزيدي
نشر منذ 6 شهر - عدد المشاهدات : 292
|
كسرنا الدفوف..وبطلنا الفرح
وبعثرنا الشموع
وكل بقايا الياس
وطشينا الگرگري
بعد ماسرنا إنفضح
وموجديده الواحد يموت بحياته
ولاغريبه الحاسد بهالساعه
لوگلبه إنشرح
ومابقي بكلبي بعد شي للابد
اتباهى بيه
ولابقى باب التوهم للامل
واتعنى ليه
ولابقى بكلبي رصيد من الصبر
اصرف عليه
ولاعتاب اخدع الروح إيردعه ساعه
وارتجيه
ولا درب سالك و اگولن اسلكيه
اتسددت كل الروازين المطله
أعلى الشوارع
وقفلت كل الدروب الماسلك
من عندهاشارع
بس بقى بكلبي حنين
وبقت آثار الجروح النايمه
بعمق السنين
وبقت روحي اللي تجيش بهوى فازع
وبقت ايام اللي يجيني ..
وما اجيه
وبقى ديدن عشك كلبي البيه ادافع
صور مرفقة
أخبار متعلقة
مشاركة الخبر
التعليق بالفيس بوك
التعليقات
التعليقات (0)
لا يوجد تعليقات على الخبرأضف تعليق
