20
مايو
2024
روحي ..... الشاعر مظفر النواب
نشر منذ 1 شهر - عدد المشاهدات : 155

روحي ولا تگلها شبيچ

وانت الماي

مگطوعه مثل خيط السمچ روحي

حلاوة ليل محروگه حرك روحي

حمرية گصب مهزومه بالفاله ولك روحي

وعتبها هواي

لا مرّيت  لانشديت  لا حنيت

وگالولي عليك هواي

وعودان العمر كلهن گضن ويّاك

يا ثلج إلّي ما وجيت

تعال بحلم  أحسبها إلك جيّه واگولن جيت

يلعيناك فحل الگطه الگاطع چول

يلي شوفتك شبّاچ للقاسم ودخول السنه من الگاك

يا فيّ النبع واطعم  عطش صبّير ولا فرگاك

يلرهميت يا مفتاح فضة ولا رهم غيرك عليّ مفتاح

وأچوتلك مخدتي وانطر الشبّاچ اليجيبك

وأنت عرس الليل والقدّاح

يا هلبت تجي وترتاح

وأگعدلك على فراش العرس

طرگ المسچ والنوم

عمر واتعده الثلاثين لا يفلان

عمر واتعدّه واتعديت

ولا نوبه عذر ودّيت

وآنه والمسچ والليل وأنت النوم

 واغمّض عود اجيسك يا ترف

تاخذني زخة لوم

وأگلك ليش وازيت العمر يفلان

يفلان العمر يفلان

 يشگر ولك يفلان

شيوگف العمر

وهجرك دوم

كل ليله اشوفك بالحلم عريس

اگول اليوم

يحبيب خلص خلگي واگول اليوم

ولا مريت  ولا نشديت

ولا مره شلت عينك تعرف البيت

والا طارش چذب وديت

وگالولي عليك هواي

 ورحت ابراي وجيت ابراي

حسبالي سنه وسنتين وتلاثه

واشوفك ذاك البگلبي

واضوگك ماي

ولك حسبالي الگاك إبن أوادم

يا شگلك  موش أشوفك هاي

ولا  وعديت

ولا استخطيت

ولا سمعيت

ولا جيت اعله بالي

تبيع بيّه وتشتري بالسوگ

لا ما جيت

وگالولي عليك هواي

 گالولي گالولي گالولي


صور مرفقة






أخبار متعلقة
تابعنا على الفيس بوك
استطلاع رأى

عدد الأصوات : 0

أخبار