يامفتاح عمري الزنجر إمن سنين

جيّم بالقفل بس شوگك ايفرّه

انخاك اعله شوگي ونته أبو الأشواگ

من الينتخيك شبيك تتبره

دمّد ايدك علي رمم بگايا الروح

او فزز گلب ضامي نايم ابگبره

صرت موﮔد محبة النار بيه تلوﭺ

ونته اتذب نفط والنار مستعره

(ﮔطرة ماي روحي) اورادت ترويك

ليش بنص حمادة اتطشر الگطرة

اصبر الروح بيش او صبري أخذته وياك

والماخوذ صبره شلون شيصبره

طشرني الوكت بيّامه الوكحات

وحطني بحلگ رحه وفرني ألف فره

دلمني أبّين إديك وخلي روحي اليوم

تشهگ بالفرح وتودع الحسره

سنين إعليك أدوّر انتظر ملگاك

وتمنى تجيني وگلبي اتسره

ماهمك غيابي وشوگي من سنين

ووراقي اعله بعدك بقت متطشره

رد مره الدربنه البي مشيته وياك

ورحم گلب ضامي وضحى الك عمره

هجرانك سباني ومرد بيه الروح

موكافي الهجر اتجرعت مره      

صبرت سنين أتاني انتظر ملگاك

تالي من لگيتك تنكر العشرة